Mi ta protehá?

Ku bo ta protehá dor di e garantia di depósito bo por komprobá unbes. Pa sa esaki, kontestá e siguiente dos preguntanan. 

Si bo kontesta pa tur 2 pregunta ta “si”, bo por ta kasi sigur ku bo sèn, òf di bo empresa , ta protehá te ku un máksimo USD 25.000 pa persona òf empresa, pa banko. Tin algun eksepshon. Pa mas informashon, por fabor lesa e foyeto di informashon.

Si bo kontesta pa un di e preguntanan ta “nò”, e ora ei probablemente bo sèn, òf sèn di bo empresa, no ta protehá dor di e garantia di depósito.

1. Abo òf bo empresa tin sèn riba un kuenta di banko na Boneiru, Sint Eustatius òf Saba ku ta kai bou di e garantia di depósito pa Hulanda Karibense? 

E bankonan ku ta kai bou di e garantia di depósito, ta pará menshoná riba e página Kua Banko? Ku un kuenta di banko ta referí na un kuenta manera un kuenta pa hasi pago, un kuenta di spar i un depósito den término.

2. Abo òf bo empresa ta registrá komo propietario òf ko-propietario di un kuenta(nan) di banko ku tin sèn riba dje?

E protekshon te ku USD 25.000 ta konta pa persona òf pa empresa, pa banko. Pues e máksimo ta konta pa e total di e montante di tur e kuentanan bankario di un persona òf empresa na un banko. Pero ora ta trata di un kuenta kolektivo e máksimo ta konta pa persona.

Tin biaha un persona tin un kuenta bankario na nòmber di un otro persona, un asina yamá kuenta di un terser partido (’’derdenrekening’’). Si e kuenta di e terser partido ta kumpli ku algun kondishon, e otro persona ta protehá dor di garantia di depósito.

Pa mas informashon i ehèmpel di kalkulashon lesa tambe e foyeto i ‘factsheet’.